我地又番嚟啦！The Big Byte 嚟到2022年正式開始第二季。年頭第一集同大家講下CES 2022有咩得意嘢，由concept到冇得再concept嘅conept，到真係買街嘅產品，CES 2022有咩睇呢？聽下就知架啦。
跟住我地會傾下一個幾有趣嘅議題：到底科技公司平時嘅宣傳手法⋯⋯有幾「伏」？Tesla Model S Plaid話自己0-60mph嘅加速時間只需要1.9秒，真唔真先？Cybertruck 話自己有成萬噸嘅扭力，係咪架？Apple Airpower話自己可以改革無線差電技術，去咗邊呀？有冇諗過好多相機產品入面嘅1吋 sensor，其實冇1吋咁大？